Ikea-wurdboek

Us ferbliuwplak is it Raoul Wallenberg guesthouse yn Bûdapest. Wallenberg wie in Sweedske diplomaat yn Budapest, dy’t yn de Twadde Wrâldoarloch in hiel soad Joaden rêden hat troch harren oan in Sweedsk paspoart te helpen. Yn it lêst fan de oarloch is er troch de Russen oppakt en  weiwurden yn de kommunistyske idioatery fan terreur en dizichheid. De Sweedske Wallenberg foundations hat it gebou betelle en op de foto’s fan de apparteminten sjogge je al gau dat Ikea foar de ynrjochting soarge hat: keukentsje, meubeltsjes en lampkes út de blau-giele megawinkel.

By myn syktocht nei wurdboeken op it ynternet kaam ik hjoed in Ikea-wurdboek tsjin. Sa’n 1300 nammen fan Ikeaprodukten út de Ikeagids, mei in ferwizing nei de oarsprong. Ikea brûkt oer de hiele wrâld deselde Sweedske nammen en de bedoeling fan de site is om dy nammen foar de net-sweden te ferklearjen, sadat dy ek begripe wat de namme fan dat lampke of kastje no krekt betsjut. Yn it Ikea-wurdboek wurdt besocht de nammen te kategorisearjen neffens type. De gearstaller fan it Ikea-wurdboek ûnderskiedt dêrby gewoane Sweedske wurden, betochte Sweedske wurden, Skandinavyske foarnammen, ierdrykskundige nammen en nammen dy’t  ûnferklearber of ‘mysterieus’ binne.
In pear foarbylden:
 

ALEX☺Swedish boy name

ALG❞alga (singular of algae)W

ALKALISK❞alkaline

ALLAK✖mountain in arctic Sweden

ALLAMÅLA✖place in Småland

ALSARP✖village in Småland

ALSEDA✖place in Småland

ALSTER❞creation/product

ALSVIK✖place in Stockholm archipelago

ALVE☺Old Swedish boy name

ALVINE☺Old English girl name

Spitigernôch doge de ferwizingen op de website net (mear?). De auteur ferantwurdet dat mei in stevige disclaimer: THIS SITE IS INCOMPLETE AND VERY MUCH UNDER CONSTRUCTION!
Mar miskien is dat ek wol irony om't de metoaden fan Ikea ek net altyd ynoarder binne?